A atmosfera opressiva
que precede a umha trevoada
lembra-me indefectivelmente
os intermináveis dias de espera
Naquela quarentena em que nos jactamos
de salvar vidas
polo mero feito de pasmar no sofá
a sufocante sensaçom de alerta
contínua
acelerou o meu torrente sanguíneo
ralentizando o raciocínio
Qual besta encurralada
agora só respondo a estímulos
e cheirar o perigo iminente
obriga-me a fugir sempre
pouco importa a direcçom
que decide tomar o meu corpo
Eu sigo unida a el de milagre
hai tempo que resolveu a minha mente
refugiar-se noutra dimensom
by Eva Loureiro Vilarelhe
