Abre-se a flor
abre-se a mente
rebenta o rebento
começa o deleite
enrugo o lençol
Na primeira onda
ora expansiva
ora explosiva
desfruto o momento
e o prazer afonda
De pau feito adentro
ou mesmo vazia
a segunda onda
chega e porfia
a seiva borbota
Pressinto a terceira
semento na leira
saliva escorrega
danço ao seu som
redobra o tambor
Os fogos às portas
—som de artifício—
enésimo anexo
do gozar complexo
meu único vício
by Eva Loureiro Vilarelhe
Estou sempre com sono
sono que nom sonho
—nom confundir prega-se—
sonho moito e tamém em sonhos
por mor da falta de sono
que diríamos a posteriori
de analisar a situaçom
Hai animais cujo
período de letargo
dura até nove meses
a gestaçom dum bebé
numha piscadela de olhos
pechar os olhos e esvaecer
a semana de pesadelo
o mês a esquecer
até o ano estragado
dantes julgava que era
perder parte da vida
agora acho umha quimera
evaporar boa parte dela
a sonhá-la doutra perspectiva
Andai com olho intrusos
—categórica até sangrar—
nunca esqueço umha face
e a saber se vou me vingar
coa escusa da falta de sono
que diríamos a posteriori
de analisar a situaçom
Eva Loureiro Vilarelhe